ژبه
  • info@crida.gov.af
  • د انصاري لمړۍ کوڅه، کابل
  • +93 744 44 93 01
ژبه

عمومی رئيس پيژندنه(بيوګرافي)

محترم نجیب الله شینواری

anas

نجیب الله ننگیالی شینواری له مخکښو ملي او نړیوالو ادارو سره د بریالي کار دری لسیزې تجربه لري او په یو شمېر معتبرو کورنیو او بهرنیو تحصیلي بنسټونو کې یې لوړې زده کړې دي.

شینواري په کابل کې د لومړنیو او منځنیو زده کړو تر بشپړولو وروسته، د پېښور په پوهنتون کې ساختماني انجینري لوستې. له زده کړو او د خپلو مهارتونو له پراختیا سره د علاقې له کبله نوموړي د طالبانو د واکمنۍ پر مهال د کابل پوهنتون د حقوقو او سیاسي علومو له پوهنځي څخه هم د لېسانس سند ترلاسه کړی دی. وروسته یې د دوست هېواد هندوستان له مشهور پوهنتون «مهاتما ګاندي» څخه د عامه ادارې په برخه کې ماسټري ترلاسه کړې ده. پر دې سربېره ښاغلي ننګیال شینواري په کابل کې په کاتب پوهنتون کې هم د حقوقو په برخه کې ماسټري کړې ده.

د لوړو زده کړو ترڅنګ نوموړي په ګڼو لنډمهالو روزنیزو پروګرامونو کې، چې د نړیوال بانک په څېر د نړیوالو بنسټونو له لوري ترتیب شوي وو، هم ګډون کړی دی. 

شینواري له تېرو دېرشو کلونو راهیسې له بېلابېلو ملي او نړیوالو ادارو سره د رهبرۍ په کچه کار کړی چې د هغه له ډلې د بهرنیو چارو وزارت، ملي دفاع وزارت، د امریکا پراختیايي اداره«یو اېس اې آی ډي»،  آی آر ډي او C-LOTTI د یادولو وړ دي.   

د پلازمېنې زون پراختیا ادارې د رییس په توګه تر ګومارل کېدو وړاندې ښاغلی شینواری د ملي پراختیا د شرکت د برنامو د مرستیال په توګه کار کاوه. شینواری پر ملي ژبو سربېره په انګریزي ژبه هم بشپړ تسلط لري.

 

 

کابل، افغانستان |